Kristina Rakočević donirala kosu i iznenadila sve humanim potezom

Bjelopoljka Kristina Rakočević, napravila je gest vrijedan poštovanja kada je povodom Svjetskog dana borbe protiv raka, donirala svoju kosu.

Na svom profilu na Instagramu objavila je da je odlučila da svoju kosu donira za žene koje su u procesu liječenja raka izgubile kosu.

“Nisam uradila ovo da bih izazvala pozitivne ili negativne komentare. Moja kosa koja mi je svakako u većini slučajeva samo oduzimala vrijeme, nekoga će definitivno učiniti srećnim bar na jedan dan i to je dovoljan razlog” – napisala je Kristina ispod slike koju je objavila, uz poruku: Don’t hate. Donate! (Ne mrzite. Donirajte!).

Podsjećamo, djevojka iz Tomaševa, postala šampionka svijeta u bacanju diska 20.jula 2016.godine, čime je ostvarila jedan od najvećih rezultata svih vremena crnogorske atletike.

Nedavno je dobila punu stipendiju od Univerziteta u Majamiju, tako da nakon perioda u Švedskoj, gdje je trenirala posljednje godine, odlazi u Ameriku, sa jasnim ciljem da ponovo dostigne visine.

“Volim Crnu Goru i sa ponosom ću je predstavljati na svim regionalnim i nadam se svjetskim takmičenjima, tako da ostaje veliki žal što neću više trenirati kod kuće. Sport je jedno veliko odricanje, a to opet najbolje znaju sportisti” – kazala je Rakočević po dobijanju stipendije Univerziteta u Majamiju.